Ракометатите на Партизан кои се предводени од Раул Гонзалез доживеаја убедлив пораз пред своите гледачи во салата „Александар Николиќ“ на стартот од Лигата на шампионите.
„Црно-белите“ загубија со убедливи 33:44 од вицешампионот Фуксе Берлин, кој уште на стартот на елитното ракометно натпреварување покажа зошто сезонава е главен фаворит за титулата.
Партизан беше рамноправен противник само во првите девет минути кога одржуваше резултатски егал (4-4), по што следеше серија на Фуксе од 0:5 со која за водство од 4:9.
Фуксе на одмор замина со предност од осум гола (15:23), а сите надежи за евентуално чудо на „Црно-белите“ беа урнати уште на стартот од второто полувреме кога Фуксе дојде до двоцифрена предност и до крајот рутински ја одржуваше до крајот на мечот. На крајот Фуксе славеше во Белград со 44:33, а одлична партија прикажаа Матијас Гидсел до 13 гола и Тобијас Грондал со 10 голови.
Ефикасен старт на сезоната имаше и Пик Сегед кој пред своите гледачи со 42:31 го совлада Кристианстад.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
