Џастин Гетлин, „грешното момче“, како што многумина го нарекуваат, го грабна златниот медал во трката на 100 метри и со 35 години стана нов светски првак. Во финишот успеа да го мине својот сонародник Кристијан Колмен и да го издржи притосокот од легендарниот Усаин Болт, кој имаше повторно лош старт, како и во полуфиналето.
„Да не сонувам? Навистина ли го победив Болт? Го сторив тоа за себе, за моето семејство, за мојот тренер и за мојата држава. Не мислев дека ќе станам светски првак на 35 години. Дојдов да се забавувам и да видам колку можам, и уживам во секој момент. За Болт имам само зборови за величење. Тој е легенда, со сигурност е најбрзиот човек во историјата“, изјави Џастин Гетлин по изненадувачкиот триумф во трката на 100 метри на СП во Лондон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
