Првиот рекет на светот, Новак Ѓоковиќ без поголеми проблеми стигна до осминафиналето на Мастерсот во Шангај, откако во второто коло го совлада Канаѓанецот, Денис Шаповалов со 2-0 по сетови (6-3 и 6-3).
Во првиот сет само еден брејк беше доволен за негово освојување, додека во вториот Србинот два пати го брејкна Канаѓанецот за конечна победа и пласман во следното коло каде за противник ќе го има, Американецот Џон Иснер кој утрово беше подобар од Французинот Лука Пуј со 2-0 (7-5 и 6-3).
Денеска, во осминафиналето пласман обезбедија и Александар Зверев, Карен Хачанов, Баутиста Агут и Стефанос Циципас.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
