Лина Ѓорческа продолжува со одличните настапи на ИТФ-турнирот во чешкиот град Оломуц, каде со ново одлично издание се пласираше во полуфиналето, совладувајќи ја американската тенисерка Ема Наваро со 2-0 во сетови.
Охрабрена од одличното вчерашно издание кога ја елиминираше петтата носителка Болсова, Македонката и денеска одигра беспрекорно. Првиот сет беше добиен со 6-4, пред Лина да заигра уште подобро во продолжението, за убедливи 6-2 и пласман во полуфиналето за нецели 80 минути игра во денешната четвртфинална пресметка.
Ѓорческа во утрешното полуфинале за противничка ќе ја има Дарија Астакова од Русија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА