Македонската тенисерка Лина Ѓорческа го заврши настапот на ИТФ турнирот во Истанбул со пораз во второто коло од Ралука Шербан од Кипар со 2-1 во сетови за два часа игра. Ова беше осми меѓусебен дуел на двете тенисерки и сега резултатот е 4:4 во победи.
Македонската тенисерка го доби првиот сет без загубен гем 6-0. Но, во вториот сет спротивна слика и ривалката го освои сетот со 6-1 и се избори за решавачки сет.
Во третиот сет Шербан поведе со 5-2 во гемови, Ѓорческа намали на 5-4, но не успеа да се избори за продолжение на мечот откако противничката го доби следниот гем.
Македонската тенисерка следниот настап треба да го има на ИТФ турнирот во Ираклион.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
