Манчестер Сити е повторно на врвот во Премиер – лигата. Тимот на Пеп Гвардиола славеше со 0-2 на гостувањето против Евертон во првиот меч од 26.коло во англискиот шампионат и по подолг период повторно е на водечката позиција на табелата со 62 бода. Идентичен број бодови има и Ливерпул, и послаба гол – разлика, но „црвените“ на 9.февруари ќе го пречекаат Борнмут како дел од 26.коло.
Одлучувачкиот момент од мечот се случи во последните мигови од првото полувреме. Ајмерик Лапорт реагираше одлично по нафрлувањето од левата страна и со удар со глава ја затресе мрежата на Евертон. Во осмата минута од судиското продолжение, Габриел Хесус го постави конечниот резултат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
