Франција по пет натпревари без победа конечно забележа триумф на еден официјален натпревар, славејќи со 2-0 на дуелот со Финска што беше одигран во Лион. Публиката на „Жерлан“ гласно го поздравуваше секој потег на Карим Бензема, но улогата на херој му припадна на Антоан Гризман, кој ги постигна двата гола во овој триумф на „триколорите“.
Асот на Атлетико Мадрид најпрвин биеше фантастично со левата нога за 1-0 во првото полувреме, за потоа да блесне и во вториот дел, маестрално снаоѓајќи се и покрај малиот агол сместувајќи ја топката крај Храдецки во мрежата на Финците.
France 2-0 Finland | ALL GOALS ⚽🎥
to never miss any goal, Follow 👇🏼@IFAST66 pic.twitter.com/994QZcAomK
— Follow @IFAST66 (@ifast222) September 7, 2021
Холандија ја декласираше Турција со 6-1, одмаздувајќи им се на Турците на стартот од овој квалификациски циклус. Мемфис Депај одигра извонреден меч, најпрвин асистирајќи при водечкиот гол на Класен, пред самиот да постигне хет-трик. На 5-0 зголеми Тил, за 6-0 во судиското продолжение погоди Мален, а Турција почесниот гол го постигна во 92. минута преку Ченгиз Ундер. Треба да се истакне и дека гостите од пред крајот на првото полувреме настапуваа со играч помалку по црвениот картон што го заработи Сојунчу.
Netherlands 6-1 Turkey | ALL GOALS ⚽🎥
to never miss any goal, Follow 👇🏼@IFAST66 pic.twitter.com/FHAPMVqKph
— Follow @IFAST66 (@ifast222) September 7, 2021
Данска продолжува со извонредните игри од ЕВРО 2020 откако вечерва лесно и убедливо го совлада националниот тим на Израел со 5-0. Целата работа Данците ја завршија уште во првото полувреме во кое поведоа со 3-0 (Поулсен, Кјаер и Олсен), а во вториот дел меѓу стрелците се запиша и Дилејни. „Петардата“ беше комплетирана со голот на Корнелиус во 90. минута на „Паркен“ во Копенхаген.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
