ГРК Охрид во СЦ „Борис Трајковски“ ја потврди фаворитската улога против новиот член на Суперлигата, тимот на Голден Арт КЛ 7 и славеше со 23-29, доминирајќи во текот на целиот меч. Но, дали охриѓани направија „престап“ со бројот на странците, во записникот има четворица, кои не се репрезентативци на земја која е рангирана меѓу Топ 15 според последната официјална ЕХФ ранг-листа?
За ГРК Охрид на овој меч настапија Јагош Брауновиќ (Црна Гора), Игор Чагаљ (Хрватска), Филип Кривокапиќ (Црна Гора) и Денис Тот (Хрватска). Овие странски ракометари, најмалку еден од нив како четврти, според Пропозициите за натпреварување во машката Суперлига, треба да се репрезентативци на селекција од Топ 15 и во последните пет години да имаат барем 10 настапи за А сениорската репрезентација на својата земја.
Контролорот на натпреварот Русе Наумовски ова го превидел, а допрва ќе се види дали ќе следи жалба од тимот на Голден Арт КЛ 7.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
