Фудбалската репрезентација на Македонија ќе биде сместена во петтиот барабан на претстојниот ждреб за квалификациите за Европското првенство во 2020 година. И покрај првото место во групата 4, сепак, Грузија е селекцијата која оствари најдобар ефект во комплетната Лига Д и го „лапна“ местото во четвртиот барабан. Ова секако ќе донесеше многу полесни ривали за Македонија во квалификациската група, со условно две послаби селекции.
Нашит национален тим е веднаш зад летвичката, на 41.позиција во рангирањето, а Грузија, која освои 16 бода во групата 1, со пет победи и едно реми, се протна во четвртиот барабан. Ако анализираме, тогаш јасно е дека поразот во Ереван од Ерменија (4-0) ја остави Македонија во петтиот сад во пресрет на извлекувањето на противниците во квалификациите за ЕП 2020. Сепак, Македонија успеа да обезбеди пласман во плејофот во Лигата на нации и да се пласира во Лигата Ц од ова натпреварување.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
