Суперхаотична е оваа сезона за Олимпик Марсеј, овој тим по голема битка не успеа да стигне до билет за европските купови, но дното е допрено по информацијата дека во раните утрински часови е пукано кон тројца фудбалери на Олимпик.
Не станува збор за инцидент поврзан со резултатите на теренот, туку за обид за грабеж на автомобилите на Жан Онана, Бамо Меите и на Фарис Муњана. Се се случило околу три часот наутро, кога експедицијата на Олимпик се вратила од гостувањето од Авр, а непосредно пред влегувањето во автомобилите на фудбалерите им се приближиле крадци вооружени со пиштоли.
Играчите веднаш влегле во автомобилите и побегнале, по што било пукано врз нив. Едниот автомобил е два пати погоден во вратата на возачот, на другиот куршумите завршиле во багажникот, а за среќа фудбалерите на Олимпик останале неповредени по страшниот инцидент.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
