Репрезентацијата на Македонија во хокеј на мраз продолжи со одличните игри на „Девелопмент куп“ што се одржува во Германија, каде нашите хокеари во четвртиот натпревар ја забележаа и својата четврта победа.
Тие за ривал во полуфиналето ја имаа Андора, селекција што како и претходно во групната фаза рутински ја добија со убедливи 6-3. Прашањето на победникот беше решено уште кон средината на вториот период, кога македонските хокеари стигнаа до недостижна предност од 4-0. Се што успеаја Андорците да направат е да се приближат на 5-3, но шестиот гол во нивната мрежа значеше и печат на пласманот на Македонија во големото финале.
Таму македонскиот национален тим ќе се сретне со селекцијата на Португалија, која во вториот полуфинален дуел славеше над Ирска со убедливи 10-1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
