ЕКИПА на ЕП во Хрватска,
Стеван Цаневски, Билјана Б. Петрушева, Игор Паневски
Чесите се стари наши познаници, сме имале многу дуели против нив, и воглавно, сме биле успешни. Го знаат добро тоа и чешките ракометари во пресрет на новата вечерашна пресметка во Вараждин (20.30 часот) која е прогласена како „Денот Д“ и за двете селекции. Само победа остава во игра за висок пласман, посебно кога е Македонија во прашање.
Еден од најискусните во чешкиот состав, Павел Хорак, признава дека нашиот вечерашен ривал има стари рани од Македонија, но и најавува дека сега се подготвени за одмазда.
„Никој не сака да губи. Тоа е јасно. Имаме стари рани од Македонија, со нив игравме многу во изминатиот период, и мора да се признае дека не поминувавме добро. Но, повторно мислам дека тие се супер противник за нас, можеме да ги победиме. Сега сме максимално мотивирани и подготвени за одмазда“, вели Павел Хорак во пресрет на вечерашниот дуел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
