Лука Дончиќ постигна кош со звукот на сирената за победа на Далас над Мемфис од 114-113 во еден од синоќешните натпревари од НБА лигата.
Далас на 1,8 секунди пред крајот изведе топка од страна, Дончиќ се ослободи од двајца кошаркари и потоа со неверојатен шут погоди тројка за победа.
Словенецот низ целиот натпревар беше најдобар играч на паркетот. Постигна 29 поени, дополнети и со девет асистенции и пет скока. Му помогна и Порзингис со 21 поен и шест скока.
По мечот Лука Дончиќ доби пофалби и од еден од најдобрите кошаркари во историјата, Леброн Џејмс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА