Мауро Икарди го продолжи своето голгетерско шоу сезонава со нови два погодоци на гостувањето против Калјари, носејќи му нови три бода на Интер. Аргентинецот минатото лето беше поврзуван со Арсенал и со Челси, сега веќе се споменува големиот Реалл Мадрид, но Икарди е дециден на оваа тема, уште еднаш потенцирајќи ја лојалноста кон „нероаѕурите“.
„Ако ме побара Реал Мадрид, ќе го оставам телефонот да ѕвони. Толку е едноставно, знаете кој е мојот став, немам што повеќе да додадам. Имам долг договор со Интер и тоа е единстеното нешто што е валидно“ – изјави Икарди.
Тренерот Лучијано Спалети има само пофални зборови за аргентинскиот голгетер.
„Секој ден имам можност да работам со него и очигледно е колку сака да биде дел од овој тим, каков прекрасен однос има со соиграчите. Одлично се адаптираше на животот во Милано, навивачите го сакаат, а тој инсистира да остане тука. Побара и да потпише нов договор, тоа е и наша желба, така што очекувам Икарди уште долго да го носи дресот на Интер“ – истакна Спалети.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
