Претседателот на Светската фудбалска федерација (ФИФА), Џани Инфантино, му се извини на советот на ФИФА поради неговиот план за продажба на Светските првенства на приватни инвеститори.
И покрај извинувањето, Инфантино беше цел на сериозни критики од членовите на советот кои исто така побараа планот јавно да се објави.
Според Би-би-си, Инфантино на денешниот состанок на советот на ФИФА во Цирих, Швајцарија се извинил за планот кој на нозе ја крена целата светска јавност и фудбалските Федерации, но не достави никаква документација ниту пак објаснување за неговиот план.
Советот на ФИФА исто така побара детални информации од Инфантино и за случајот Балогун за време на Светското првенство кое летово се одржа во САД, Канада и Мексико и укинувањето на суспензијата поради црвениот картон.
Според Би-би-си, членовите на советот на ФИФА се незадоволни бидејќи Инфантино не им дал детални информации и за наводната интервенција на претседателот на САД, Доналд Трамп, да се укине суспензијата на Балогун.
Исто така е разговарано дали ФИФА треба и во иднина да доделува награда за мир. Прв добитник на оваа награда беше Трамп.
„Човекот мора да одговори на овие прашања. Ако не одговори, тогаш не е способен да биде претседател на ФИФА, изјави потпретседателката на ФИФА и претседателка на англиската фудбалска федерација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
