Италијанскиот калчолигаш Интер тргнува во акција за ангажман на дефанзивецот Крис Смолинг. Тој се врати во Манчестер Јунајтед откако минатата сезона беше позајмен во Рома и остави одличен впечаток во Серија А. „Волчицата“ не успеа да го откупи комплетно неговиот договор, понуди 15 милиони евра, а англискиот клуб бара најмалку 20 милиони евра за да му дозволи да го напушти перманентно „Олд Трафорд“.
Интер е подготвен да плати 20 милиони евра за Крис Смолинг и со тоа Антонио Конте да продолжи да го усовршува тимот на „нероаѕурите“ со фудбалери кои биле дел од Премиер – лигата. Претходно, дојдоа и Лукаку, Санчез, Ешли Јанг, Мозес, Ериксен…
Крис Смолинг се препороди во дресот на Рома и не сака да се врати во Манчестер Јунајтед каде го изгуби местото во стартниот тим. Тој дури и летниот одмор одлучи да го помине во италијанскиот предел Пенинсула и им јасен став дека сака да продолжи да игра во Серија А и следната сезона. Интер може да му помогне во тоа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА