Најдобриот македонски тенисер Калин Ивановски по тешка борба се пласираше во четвртфиналето на ИТФ фјучрсот во туниски Монастир. Ивановски во осминафиналето славеше над Италијанецот Андреа Пичоне по пресврт со 2-1, по сетови 4-6, 7-6 и 7-5.
Натпреварот кој требаше да биде одигран уште во четвртокот на програмата во тунискиот град беше закажан дури за денеска поради лошите временски услови и обилните врнежи од дожд кои го зафатија Монастир.
Во првиот сет Италијанецот одигра далеку подобро и на крајот го освои добивајќи го со 6-4. Во вториот сет двајцата тенисери ни приредија огромно борба, која на крајот во тај-брејк му припадна на нашиот Ивановски кој израмни на 1-1. Големата борба продолжи и во третиот сет во кој подобро се снајде нашиот Ивановски за ново четвртфинале во тунискиот град.
Доколку дозволат временскиот услови подоцна денеска Ивановски ќе го одигра и четвртфиналето во кое за противник ќе има уште еден Италијанец, Федерико Јанаконе кој е седми носител на турнирот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
