Кандидатот за претседател на Барселона, Емили Русо во својата визија за каталонскиот клуб во главната улога го гледа Нејмар, ќе го промени името на стадионот, а планира и да го промени тренерот доколку не покаже добри резултати.
„Ќе се засилиме со два врвни играча, а еден од нив е Нејмар. Работиме на тоа да го вратиме во Барселона, доколку тој ги повлече тужбите против клубот. Се надевам дека ќе можеме да го објавиме и името на другиот играч и веќе имаме директна врска со истиот. Ќе одржиме и референдум за промена на името на „Камп Ноу“ во „Лео Меси“. Чави, Иниеста и Пујол ќе бидат вратени во клубот, а покрај тоа што го почитуваме Куман, доколку не продолжи со добрите партии ќе го промениме со тренер кој го предводи еден од најдобрите клубови во Европа“ – вели кандидатот за претседател.
Претседателските избори во Барселона ќе бидат одржани на 24. јануари следната година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА