Повеќе од длабока неизвесност лебди над Челси откако британската влада ги замрзна неговите сметки притоа носејќи и забрана за продажба на клубот, како дел од санкциите кон Роман Абрамович поради руската инвазија на Украина.
Во текот на вчерашниот ден во еден момент беа суспендирани сите сметки на Челси, па беше доведено под прашање опстојувањето на клубот.
Сепак, изминатава ноќ, како што пренесуваат англиските медиуми, власта во Англиха дала дозвола Челси да се продаде во експресен рок. Услов за продажбата е Абрамович да достави доказ до владата дека со продажбата нема да заработи ниту пени, и дека се откажува од долгот од 1,5 милијарди фунти во корист на жртвите на руско-украинскиот судир.
Зеленото светко за продажба која треба да биде завршена во следните четири недели значи и дека вработените ќе бидат регуларно исплаќани.
The UK government has given the green light for the sale of Chelsea to resume after it sanctioned owner Roman Abramovich.
There is confidence a deal for #CFC could be agreed within the next four to six weeks.
More from @mjshrimper https://t.co/GLPGqhJsIO
— The Athletic UK (@TheAthleticUK) March 11, 2022
Досега неколку инвеститори покажаа интерес за купување на клубот, но никој од нив не испрати конкретна и официјална понуда.
Привремената и специјална дозвола за натпреварување важи до 30. мај, а во лондонскиот клуб се надеваат дека и тоа ќе биде променето низ наредниот период.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
