Џорџ Расел приреди големо изненадување во денешните квалификации на патеката „Хунгароринг“, каде британскиот возач успеа да стигне до пол-позицијата за утрешната трка за ГН на Унгарија.
Мерцедес се мачи да состави конкурентен болид од стартот на сезонава, но Расел денеска импресионираше остварувајќи најдобро време, за своја прва пол-позиција во кариерата. Вториот возач на Мерцедес, екс-шампионот Луис Хамилтон, имаше само седмо најдобро време.
Веднаш зад Расел ќе се најдат двајцата возачи на Ферари, Саинц и Леклер, а по нив ќе следат Норис, Окон и Алонсо.
Актуелниот шампион и лидер во генералниот пласман, Макс Ферстапен, ќе ја стартува утрешната трка од десеттото место.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
