Јанис Антетукомбо постигна 30 поени, дополнети и со 21 скок и 10 асистенции во својот втор „трипл-дабл“ ефект оваа сезона и 31-от во кариерата, за триумф на Милвоки над домаќинот Торонто од 101-104 по продолжение во еден од синоќешните дуели во НБА лигата.
Со синоќешниот ефект Јанис стана само седми кошаркар во последните 40 години во НБА лигата кој натпревар завршил со минимални 30 поени, 20 скока и 10 асистенции. А, ако се додаде синоќешниот учинок на тоа што го направи во претходните четири дуели, стана и првиот кошаркар од 1972 година и Карим Абдул Џабар со најмалку 200 поени, 80 скока и 30 асистенции во пет едноподруго меча.
Од останатите кошаркари, Грејсон Ален дополни со 16 поени за Милвоки, а Боби Портис заврши со 14 поени и 12 скока. Брук Лопез мечот го заврши со 9 поени и 19 скока. Ван Флит со 28 поени, осум скока и 12 асистенции беше најдобар кај Торонто.
Хрватот Бојан Богдановиќ го одигра еден од своите најдобри натпревари во кариера, а неговиот Детроит со тројка во последната секунда славеше против актуелниот НБА-шампион, Голден стејт. Мечот заврши со 122-119, а хрватскиот репрезентативец постигна 29 поени за својот тим.
Без промашување од игра беше Дурен кој погоди од сите осум обиди и мечот го заврши со 18 поени, а имаше и 11 скока. А, Детроит ќе го слави Садик Беј кој погоди во последната секунда за победа во лудата завршница.
Детроит на 4,2 секунди пред крајот имаше три коша предност, за да Клеј Томпсон постигне тројка за израмнување на 119-119. Но, во преостанатата секунда до крајот Детроит изведе топка од страна, прифати Беј и постигна тројка за победа…
The final 4 seconds of Warriors-Pistons were WILD 😱 pic.twitter.com/fakbuxKQ2K
— NBA (@NBA) January 5, 2023
Феникс загуби од Кливленд со 88-90 со кошот на Еван Мобли на четири секунди пред крајот. ЛеВерт постигна 21 поен, а Донован Мичен – 20 поени со девет асистенции во победата на Кливленд. Феникс беше предводен од Крис Пол со 25 поени и осум асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
