Изминатата ноќ во НБА лигата се одиграа десет натпревари. Милвоки бакс во дербито на вечерта на домашен терен славеше против актуелниот шампион Денвер нагетс со 112-95. Јанис Адетокумбо со 36 поени беше прво име во таборот на победникот, додека кај поразените Никола Јокиќ уфрли 29 поени.
Лука Дончиќ го предводеше својот Далас маверикс до нова победа, овојпат против Вашингтон визардс од 112-104. Словенецот натпреварот го заврши со трипл-дабл учинок од 26 поени, 15 асистенции и 11 скока. Кај поразените Дени Авдија постигна 25 поени.
Феноменална ноќ имаше и Виктор Венбанјама. Тој во победата на Сан Антонио спурс против Торонто репторс во Канада од 99-122 запиша трипл-дабл учинок со 27 поени, 14 скока и 10 блокади.
Во останатите мечеви од синоќешната понуда: Кливленд – Филаделфија 121-123, Шарлот – Индијана 111-102, Атланта – Чикаго 126-136, Мемфис – Њу Орлеанс 87-96, Хјустон – Њујорк 105-103, Јута – Голден Стејт 107-129 и ЛА Клиперс – Минесота 100-121.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
