Српскиот кошаркар и еден од најдобрите играчи на светот Никола Јокиќ, даде свој коментар по катастрофата од Оклахома (149-106) во вториот натпревар од серијата која сега е израмнета на 1-1.
Србинот имаше скромен учинок од само 17 поени, осум скока и шест асистенции, и шест загубени топки. Во текот на третиот период заработи исклучување откако доби шест лични грешки, и мораше предвреме да го заврши натпреварот.
„Не игравме. На паркетот се појави само еден тим. Промашувавме многу, ја губвевме топката. Беа многу подобри од нас, и затоа резултатот е толку лош“, изјави Јокиќ.
Многумина се прашуваа дали Дејвид Аделман е виновен за ова и што тој воопшто прави. По вториот убедлив пораз во плејофот, Јокиќ застанува на страната на тренерот.
„Не е негова вина. Сите сме виновни за ово лошо издание. Мислам дека и тој е виновен, но сите го делиме тоа како екипа. Никој не треба никого да издвојува“, рече Србинот
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
