Денвер стигна до победа во првиот натпревар од новата сезона во НБА лигата откако славеше над минатогодишниот финалист Феникс со 98-110. Предводник на составот од Колорадо беше Никола Јокиќ кој мечот го заврши со дабл-дабл учинок од 27 поени и 13 скока на кои додаде и две асистенции.
Него го следеше Вил Бартон со 20 поени, 6 скока и 5 асистенции, додека кај домаќинот прво име беше Бриџис со 16 поени и 5 скока, 15 поени и 10 асистенции додаде Крис Пол, додека Букер мечот го заврши со 12 поени и 4 скока.
27 PTS | 13 REB | 59.1 FG%
Back to work for the MVP. pic.twitter.com/Dcca7Cvmbk
— Denver Nuggets (@nuggets) October 21, 2021
Маестрална партија одигра Џејлин Браун кој во поразот на Бостон од Њујорк по две продолженја (138-134) постигна 46 поени на кои даде и 9 скока и 6 асистенции. Него го следеше Џејсон Тејтум со 20 поени и 11 скока. Кај Њујорк Џулиус Рендл постигна 35 поени на кои додаде и 9 асистенции и 8 скока, а 32 поени и 6 асистенции забележа и Фурние.
What a Knick debut for @EvanFourmizz.
Came up clutch in OT 👌 pic.twitter.com/Eh4febBAi8
— NEW YORK KNICKS (@nyknicks) October 21, 2021
Боган Богдановиќ беше предводник на Јута во победата над Оклахома со 107-86. Хрватскиот репрезентативец постигна 22 поени на кои додаде и 4 скока. Руди Гоберт забележа дабл-дабл од 16 поени и 21 скок, а Шеи Гилгиус-Александер постигна 18 поени за гостите.
Во останатите натпревари Шарлот славеше со 123-122 против Индијана, Чикаго со 88-94 над Детроит, Вашингтон со 98-83 над Торонто, Мемфис го доби дуелот со Кливленд со 132-121, Минесота беше подобра од Хјустон со 124-106, Филаделфија славеше со 117-97 над Њу Орлеанс. Сан Антонио беше подобар од Орландо (123-97), а Сакраменто стигна до гостинска победа над Портланд од 121-124.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
