Десниот бек на Арсенал, Бен Вајт, ќе ги пропушти преостанатите два натпревари од Премиер лигата против Барнли и Кристал Палас, како и финалето од Лигата на шампионите против Пари Сен Жермен, откако го повреди коленото во победата над Вест Хем во недела.
Тоа е сериозен проблем за менаџерот Микел Артета, бидејќи Арсенал може да остане без класичен десен бек до крајот на сезоната. Јуријен Тимбер сè уште е надвор од терените поради повреда на глуждот која трае од средината на март, па тренерскиот штаб ќе мора да бара итно решение за една од најчувствителните позиции.
Арсенал се бори за титулата во Премиер лигата и ќе ја освои ако победи во последните две кола. Финалето на Лигата на шампионите е закажано за 30 мај во Будимпешта.
Оваа повреда го доведува во прашање настапот на Вајт за Англија на Светското првенство, токму во моментот кога се врати во националниот тим. По ненадејното исклучување од Светското првенство 2022, сигурниот дефанзивец доби уште една шанса под водство на Томас Тухел, постигнувајќи гол на пријателскиот натпревар против Уругвај во март, а потоа и против Јапонија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
