Македонската кошаркарска репрезентација на крајот на овој месец го започнува новиот циклус на претквалификации за Евробаскетот 2025. На овие натпревари „црвено-жолтите“ ќе бидат предводени од и од нов селектор откако довербата ја доби Александар Јончевски, а младиот стратег денеска го објави поширокиот список на кошаркари.
На него нема натурализиран Македонец и покрај најавите за ново засилување на бековската позиција, а тука се и Ненад Димитријевиќ и Андреј Јакимовски кои се неизвесни за настап поради клупските обврски. На списокот е и Андреј Магдевски кој го пропушти последниот повик за завршните натпревари од квалификациите за Светското првенство 2023 поради повреда.
ПОШИРОК СПИСОК НА ПОВИКАНИ КОШАРКАРИ
1. Бобан Стајиќ – Пелистер
2. Кристијан Николов – Torku Konyaspor B.K.
3. Андреј Магдевски – МЗТ Скопје Аеродром
4. Војдан Стојановски – МЗТ Скопје Аеродром
5. Дамјан Робев – МЗТ Скопје Аеродром
6. Адем Мекиќ – МЗТ Скопје Аеродром
7. Андреј Јакимовски – NCAA Washington State University
8. Марко Миловановиќ – JU.VI. Cremona Basket 1952 S.S.D. A.R.L.
9. Виктор Ефремовски – Гостивар
10. Ненад Димитријевиќ – Valencia Basket Club
11. Лука Савиќевиќ – Eastern Michigan University
12. Андреј Митревски – МЗТ Скопје Аеродром
13. Виктор Ташовски – ТФТ Скопје
14. Бојан Крстевски – МЗТ Скопје Аеродром
15. Љубомир Младеновски – Пелистер
16. Теодор Симиќ – Barcelona
17. Амар Хот – Феникс 2010
18. Стојан Ѓуроски – Пелистер
19. Гоце Петрушевски – Cestistica San Severo
20. Димитар Пандев – Indiana Univ Purdue Univ Indianapolis
21. Ваљмир Какруки – Работнички
22. Андреј Маслинко – ТФТ Скопје
23. Филип Бакоч – Навико Академија ФМП
24. Резарт Мемед – Aurora Basket Jesi SDA ARL
Во претквалификациите за Евробаскетот 2025 силите ќе си ги одмериме со Данска, Словачка и Норвешка. Првиот натпревар ќе биде одигран на 25. август кога ќе и гостуваме на Данска, а три дена подоцна на 28. август во Скопје гостува Словачка. Како потсетување, само една репрезентација ќе се пласира во следната фаза од квалификациите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
