Поранешниот македонски селектор Мирсад Јонуз доживеал невидена непријатност по натпреварот на грчкиот второлигаш Аигиниакос против Иродотос.
По мечот кој заврши со пораз на тимот на Јонуз од 0-1, македонскиот тренер, како што самиот истакна на прес-конференцијата по натпреварот, бил нападнат со боксови и банани од противничките фудбалери.
„Ова за првпат ми се случува во мојата кариера и како фудбалер и како тренер. По натпреварот се движев кон соблекувалните и им пристапив на противничките фудбалери да им честитам на победата. Но, неочекувано од еден од нив бев удрен со бокс, а потоа фрлаа и со банани кон мене. Не знам дали ова е запишано во официјалниот записник од страна на службените лица, но ова е целокупната вистина и не сакам ништо повеќе да зборувам на оваа тема“ – изјави Јонуз на прес-конференцијата по натпреварот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
