Италијанскиот првак Јувентус размислува да го продолжи договорот на Блес Матуиди до јуни 2021 година. Разговорите меѓу раководството и фудбалерот се веќе започнати и тој добил понуда за да остане уште една сезона во Торино. Актуелниот договор на Французинот му истекува на крајот од сезоната, но Маурицио Сари сака да го задржи уште една година, додека не пронајде адекватна замена во средниот ред.
Јувентус го доведе Адриен Рабио како освежување во маневарот, меѓутоа тој не се снајде најдобро и бара можност да си замине во клуб каде ќе има поголема минутажа. Првата опција на Јувентус е враќањето на Пол Погба, но тој трансфер е секако сложен за реализација и ќе се случи најрано во јуни. Токму затоа „старата дама“ сака да го има Матуиди до 2021 иако во април ќе наполни 33 години.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
