Најдобриот светски фудбалер Лионел Меси за прославата на Новата 2020 година отпатува дома во Розарио, каде во семејната куќа се провесели со семејството. Но, како што тврди аргентинскиот весник „Оле“, и тогаш неизбежна тема е фудбалот. По неколку часа заедничка дружба, сепак, се случува машко – женско групирање на масата. На едната страна се мажите и зборуваат за фудбалот, а на другата страна – жените, со своите муабети.
На семејната вечера се собрани родителите Хорхе Хорасио Меси и Селија Марија Меси, и тројцата браќа, Родриго, Матијас и Лионел Меси, како и сестрата Марија Сол.
Двете фотографии на Инстаграм ги поставија Родриго Меси, братот на Лео, и сопругата Антонела Рокуцо. Во текот на денешниот ден семејството на Лионел Меси се врати во Барселона, со оглед дека продолжуваат неговите обврски со Барселона. В сабота продолжува и Ла Лига, а Барселона ја очекува дуел со градскиот ривал Еспањол.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
