Барселона има еден врвен приоритет за летово – да доведе топ-напаѓач како замена за Роберт Левандовски, а сите погледи се свртени кон Хулијан Алварез и управата на Атлетико Мадрид, која одбива воопшто да почне преговори за преселбата на аргентинскиот голгетер на „Камп Ноу“.
Последните информации говорат дека Алварез сепак би можел да заврши во Барса, а клучен во целата приказна би бил Виктор Осимен. Имено, нигерискиот репрезентативец сериозно размислува за заминување од Галатасарај, турскиот тим одби две понуди од Премиер-лигата, а последните информации говорат дека Осимен би можел да се пресели токму во Атлетико.
Мадридскиот тим не размисслува на продажба на Алварез додека не доведе соодветна замена, а Осимен е играч каков што посакува Диего Симеоне, подготвен за пресинг кога противникот ја има топката, истовремено и напаст за дефанзивците во противничкиот шеснаесетник.
Преговорите ќе стартуваат викендов и се очекува Атлетико да испрати понуда од 75 милиони евра. Доколку биде постигнат договор, мадридскиот клуб ќе ја отвори вратата за заминување на Алварез, но ќе бара најмалку 130 милиони евра од Барса за овој мегатрансфер да може да се реализира.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
