Џамал Мареј нема да биде дел од Канада во следниот период, што значи дека ќе ги пропушти Мундобаскетот и Олимписките игри. Канадскиот селектор Гордон Херберт го објави списокот на играчи на кои смета за претстојните квалификации за Светското првенство во 2027 година, како и за Олимписките игри во Лос Анџелес во 2028 година.
Тие се предводени од двократниот МВП на НБА, Шеј Гилџс-Александер. Квалификациите за Светското првенство започнуваат следниот месец, а Канада ќе игра во Онтарио против репрезентациите на Порторико и Јамајка.
Уште еден квалификациски турнир ќе се одржи во Квебек Сити на 31 август. Сепак, од составот недостасуваат две големи имиња Џамал Мареј од Денвер и Ендру Вигинс од Мајами. Двајцата нема да играат ниту на Мундобаскетот ниту на Олимписките игри.
Според новите правила воведени од тренерот Гордон Херберт и генералниот менаџер Роуан Барет, само играчите кои се подготвени да се посветат на тригодишна програма на националниот тим, што вклучува патување на Светското првенство во 2027 година и Олимписките игри во 2028 година, можат да бидат дел од тимот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
