Фудбалската репрезентација на Македонија ќе игра против селекцијата на соседот Косово во полуфиналниот дуел од плејофот во Лигата на нации, за пласман на Европското првенство во 2020 година. Нашиот национален тим ќе биде домаќин, а мечот ќе се игра во март 2020 година. Ќе биде тоа навистина жешко полуфинале на арената „Филип Втори“ во Скопје, и сигурно пред преполни трибини.
Селекцијата на Косово вечерва убедливо го совлада Азербејџан на домашен терен со 4-0 и го освои првото место во групата 3, со 14 освоени бода. Арбер Зенели постигна хет – трик за косовската репрезентација, а стрелец на еден погодок беше Амир Рахмани.
Во второто полуфинале од плејофот во Лигата Д, ќе играат Грузија и Белорусија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
