Мексиканскиот прволигаш Клуб Америка нуди 9 милиони евра за Илија Несторовски, е последната информација која попладнево ја лиферуваа италијанските медиуми а во рамките на серијата шпекулации околу иднината на македонскиот репрезентативец.
Откако претходно постојано се потенцираше дека Џенова и Удинезе се заинтересирани за Несторовски сега „Тутомеркато“ тврди дека до Палермо е веќе пристигната понуда за Македонецот од Клуб Америка во висина од 9 милиони евра.
Тренер на Клуб Америка е поранешниот селектор на Мексико, Мигел Ернесто Херера. Тимот е со амбиции за шампионската титула сезонава, па во таа насока посакуваат европски напаѓач кој ќе може да одговори на апетитите на Херера.
Tem time mexicano interessado em Nestorovski
O Club America do México vai desembolsar 9 milhões para contar com o artilheiro do Palermo, No entanto, a idéia de se mudar para o exterior não está nos planos do macedonio que prefere continuar na Sicília pic.twitter.com/ZI91i6p2Fo— Palermo Deprê (@Palermo_Depre) January 23, 2019
Од Палермо засега нема официјален одговор на шпекулациите за интересот на Клуб Америка за услугите на Илија Несторовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА