Македонскиот футсал шампион КМФ Проект запиша одличен старт во квалификациите во футсал Лигата на Шампионите, триумфирајќи вечерва убедливо со 6-0 во салата “26 април“ во Гевгелија, против составот на Делфинс Ашдод од Израел.
Уште во втората минута КМФ Проект поведе со голот на Крстевски, а до крајот веќе беше 2-0 со автогол на противниците. Во второто полувреме Петровиќ зголеми на 3-0, а потоа следеа головите на Тодоровски и уште два на Петровиќ за конечни 6-0 и прво место во групата А по првото коло.
Во првиот натпревар од 1.коло во групата А, екипата на Луксол од Малта со 5-0 славеше против ЦФН Друидс од Велс.
Македонскиот шампион утре од 20 часот, во меч од 2.коло се среќава со ЦФН Друидс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
