МЗТ Скопје Аеродром го декласира Работнички со 36 поени разлика во првиот меч од финалната серија во „Јане Сандански“. Тимот на Ѓорѓи Кочов доминираше, посебно во третиот и четвртиот период, а тој не сака оваа убедлива победа да донесе опуштање во составот.
„Навистина не очекував убедлива победа. Честитки за моите кошаркари за триумфот, но ова е само една победа и ќе мора веднаш да ја заборавиме и да се фокусираме на следниот натпревар. Секој меч има посебна енергија и носи посебна приказна. Се уште е рано за титулата“, изјави Ѓорѓи Кочов.
На вториот меч од финалната серија домаќин ќе биде Работнички, во вторник во СЦ „Борис Трајковски“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
