Се врати во Милан со план да игра до јуни 2021 и во Серија А, но се чини дека Златан Ибрахимовиќ предвреме ќе ја заврши својата кариера.
Како што пренесува „Газета дело спорт“, Ибрахимовиќ планира повлекување од фудбалот на крајот од сезоната а еден од виновниците е пандемијата на коронавирус ширум светот која откажа многу спортски случувања.
Швеѓанецот во јануари дојде во Милан потпишувајќи шестмесечен договор, а со можност истиот да се продолжи за уште една година. Но, согласно актуелната ситуација најверојатно договорот нема да се продолжи а тоа значи и крај на неговата кариера затоа што популарниот Ибра самиот изјави дека после Милан не планира повеќе никаде да игра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
