Центарот на Торонто репторс, Џонтај Портер, е изоставен од тимот бидејќи е под истрага за наводно обложување. Како што објави познатиот американски новинар Адријан Војнаровски, Портер е осомничен за нелегални облози.
Американските медиуми јавуваат дека можните обвиненија се однесуваат на период од неколку месеци. Посебно под лупа се натпреварите на 26. јануари со ЛА Клиперс и на 20. март со Феникс санс, објави ЕСПН.
Двата натпревари, Портер ги заврши порано од очекуваното, прво поради наводна повреда, а потоа и поради болест, а на двата меча „дојде минус“ поени, скокови и асистенции. Доколку се покажат оправдани сомнежите, Портер би можел да пропушти голем број натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
