Кошаркар на Хјустон го надмина Леброн и постави нов НБА рекорд (ФОТО+ВИДЕО)

Кошаркарите на Хјустон приредија изненадување изминатата вечер откако славеа на домашен терен против Милвоки со 143-136. Првото име на натпреварот беше Кевин Портер Џуниор кој блесна во победата на својот тим и постави нов НБА рекорд, оставајќи го зад себе Леброн Џејмс.

Портер натпреварот го заврши со неверојатни 50 поени на кои додаде и 11 асистенции со што постана најмладиот играч во НБА лигата со само 20 години, кој успеал да ја надмине границата од 50 постигнати поени, а притоа да „асистира“ повеќе од 10 пати. Пред него овој учиник му припаѓаше на Леброн Џејмс кој овие бројки ги оствари со 23 години.

Кошаркарот на Хјустон постигна девет тројки од 15 обиди, со вкупен шут 16/26 од игра и 9/11 зад линијата за слободни фралања за 41 минута помината на паркетот. Портер постигна 17 поени во последната четвртина во која беше одлучен победникот.

Се вчитува...