Ноемвриската репрезентативна пауза донесе огромни проблеми за Реал Мадрид, најпрвин Камавинга го повреди коленото на тренинг на француската репрезентација, а сега во „болницата“ на мадридскиот клуб се врати и Винисиус.
Крилниот офанзивец мораше да биде заменет во првото полувреме од мечот меѓу Колумбија и Бразил, а по натпреварот не можеше нормално да оди кон соблекувалната, како јасен знак дека повредата на мускулот не е нималку наивна.
„Мислам дека станува збор за истата повреда што ја имав пред некој месец. Добив удар и останав да лежам, знаев дека проблемот не е наивен“, изјави Винисиус по натпреварот.
Доколку голгетерот е во право, тоа би значело дека Винисиус ќе паузира до крајот на годинава ако се знае дека по последната повреда му беа потребни шест седмици за целосна рехабилитација и врааќање на терените.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
