Вкупно 20 фудбалери и членови на стручниот штаб се позитивни на Ковид-19 во редовите на сплитски Хајдук, поради што комплетниот тим е во изолација.
Од клубот не информираат кои фудбалери се позитивни, но јасно е дека сите, меѓу кои и македонскиот репрезентативец Јани Атанасов, се во задолжителен карантин.
„По реализираните тестови утврдено е дека од 33 членови на експедицијата на Хајдук која беше заедно на патувањата во Осијек и во Ријека, за жал заразени се вкупно 20, од кои 12 фудбалери и осум членови на стручниот штаб. Сите останати се во пропишана самоизолација“ – објавија од Хајдук.
Одложен е натпреварот на „белите“ со Славен Белупо а сосема извесно е дека ќе биде одложено и дербито со Динамо Загреб следната недела.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
