Прославениот фудбалски ас Красимир Балаков ќе биде именуван за нов селектор на фудбалската репрезентација на Бугарија, информираат медиумите кај нашиот источен сосед. Тој во моментот е тренер на Етар Велико Трново, а на селекторската функција треба да го замени Петар Хубчев.
Балаков ќе дебитира во јунскиот прозорец од квалификациите кога Бугарија за противници ги има селекциите на Чешка и на Косово. Тој беше еден од најистакнатите поединци во генерацијата на Бугарија што го освои четвртото место на Светското првенство во 1994 година, заедно со Христо Стоичков. Тој од 2018 година е на кормилото на Етар Велико Трново, а претходно беше тренер и во Левски, Кајзерслаутерн, Хајдук Сплит, Черноморец, Сент Гален и Грасхоперс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
