Скромноста никогаш не била карактерна особина на Кристијано Роналдо, па тоа не беше случај ниту по натпреварот со Атлетико Мадрид на кој Португалецот постигна хет-трик и го одведе Јувентус во четврт-финалето од Лигата на шампионите.
„Затоа Јувентус ме донесе, за да помогнам да победуваме на вакви магични натпревари. Атлетико Мадрид е многу тежок ривал, но ние исто така сме моќен тим и мислам дека заслуживме да одиме понатаму. Пред мечот реков дека ќе ни биде неопходна специјална атмосфера, го добивме тоа и се пласиравме во следната рунда“ – истакна Роналдо.
Тој сепак не дозволува еуфорија по најавите на италијанските медиуми дека Јувентус покажа дека има тим зрел за титула во ЛШ.
„Дефинитивно, ова е менталитетот што е неопходен за да се победува во Лигата на шампионите. Сепак, погрешно е сега да се зборува за финалето или за освојување на пехарот. Одиме чекор по чекор, патот до врвот е долг“ – порача Кристијано Роналдо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
