Кристијано Роналдо, по нерешениот резултат со Конго, изјави дека неговата репрезентација не го започнала Светското првенство онака како што сакала, но огласувајќи се преку социјалните мрежи истакна дека мора да се мисли позитивно пред следните предизвици.
„Не беше почетокот каков што го сакавме, но ова е далеку од завршено. Главата горе и фокусирајте се на следниот натпревар“, напиша 41-годишниот Роналдо, кој го одигра својот 229-ти натпревар за репрезентацијата.
Роналдо му се придружи на Лионел Меси како единствени играчи кои настапиле на шест светски првенства.
Но, еден ден откако капитенот на Аргентина постигна хет-трик, Роналдо пропушти неколку можности да стане првиот играч кој постигнал гол на шестото светско првенство.
Não era o arranque que queríamos, mas isto está longe de ter acabado. Cabeça levantada e foco no próximo jogo. pic.twitter.com/YoH3RQcz9z
— Cristiano Ronaldo (@Cristiano) June 17, 2026
Роналдо го одигра целиот натпревар и на 41 година и 132 дена стана најстариот играч кој започнал натпревар во историјата на светските првенства.
За повеќе од 90 минути на теренот, тој имаше три удари кон противничкиот гол, но ниту еден во голот.
Вкупно, ја допре топката 25 пати, загуби три поседи и доби два од три воздушни дуели. Сè на сè, далеку под неговите кариерни стандарди.
Ќе видиме во продолжението од првенството дали селекторот Роберто Мартинез ќе има храброст да го остави на клупата, како што бара поголемиот дел од португалската спортска јавност.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
