Еден од најдобрите хокеари на сите времиња, Сидни Крозби ќе го пропушти почетокот на сезоната во НХЛ лигата. Неверојатниот Канаѓанец го оперираше скочниот зглоб на левата нога и се очекува да паузира најмалку шест недели. Тоа значи дека сигурно нема да може да ги предводи Питсбург Пингвинс во првиот меч против Тампа Беј кој е закажан за 12. октомври.
„Не е ова нова повреда за Сидни. Го мачи веќе подолго време. После многу проценки одлучивме дека најдобро решение е операција. Веруваме дека ќе се врати уште посилен“, изјави генералниот менаџер Рон Хекстал, Питсбург.
34-годишниот Крозби ќе ја почне 17 сезона во НХЛ лигата. Има три шампионски титули, а двапати беше прогласен за МВП во регуларниот дел од сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
