Италијанскиот првак Јувентус на убедлив начин ја стартуваше одбраната на титулата во Серија А. Новиот тренер Андреа Пирло ја почна кариерата со убедлив триумф (3-0) над Сампдорија.
Кулушевски и Роналдо покажаа дека можат да бидат одличен напаѓачки тандем. Дебитантот го отвори резултатот со одличен погодок во 13.минута, токму на асистенција на Роналдо.
Во финишот, уште два гола за „старата дама“. Леонардо Бонучи во 78.минута зголеми на 2-0 по корнерот од десната страна, а на крајот и Кристијано Роналдо се запиша во листата на стрелците.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА