Филипе Кутињо поради повреда нема да игра за репрезентацијата на Бразил во квалификациите за Светското првенство, соопшти бразилската фудбалска федерација. Негова замена за натпреварите против Венецуела на 13. ноември и Уругвај четири дена подоцна ќе биде Лукас Пакета.
Офанзивниот фудбалер за врска повредата на бутот ја заработи на мечот против Реал Мадрид кој неговиот тим го загуби со 1-3. Под знак прашање е настапот на фудбалерот на Ливерпул, Фабињо, кој во вторникот на мечот од Лигата на шампионите против Митјиланд ја повреди тетивата.
Бразил заедно со Аргентина е на делба на првата позиција во јужноамериканските квалификации со остварени две победи во исто толку меча.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА