Слога Виница остава зад себе извонредна полусезона во Втората лига – Исток завршувајќи ја на делба на лидерската позиција заедно со прилепска Победа но со послаба гол-разлика.
Од одличната полусезона секако задоволен е и стратегот Никола Кузманов, според кого најважен момент е што фудбалот повторно е актуелен во Виница.
„Мислам дека остваривме одлични резултати. Слога покажа дека фудбалот повторно е актуелен во Виница, добрите игри ја вратија назад публиката на трибините како наша важна поддршка“ – вели Кузманов за ЕКИПА притоа дополнувајќи:
„Ќе направиме и детална анализа на одиграното, ќе ги видиме нашите слабости и се надевам дека ќе излеземе со план за засилување со неколку играчи за пролетниот дел како би продолжиле со добрите игри и резултати. Се надевам дека Виница повторно ќе помогне, преку компании и локалната самоуправа, финансиски повторно да бидеме стабилни и единствено да се концентрираме на фудбалот во желбата за остварување на целта за највисок пласман во лигата“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
