Рикардо Кварезма е фудбалерот за кого многумина велеа дека ќе биде поголем фудбалер од Кристијано Роналдо. Сепак, Португалецот, кој е познат како многу темпераментен фудбалер, остана далеку од постигнувањата на Роналдо, но и на 38 години уште ја има истата желба за надигрување и победа.
Кварезма сега настапува за тимот на Гимараиш, кој на гостувањето кај Белененсесеш загуби со 1-0. Во 90. минута од мечот, домашниот играч Соуса се обиде да „украде“ од времето кога одлучи да леже на тревата, и тоа во моментите кога требаше да биде заменет.
Кварезма знаеше дека Соуса „глуми“, па реши да ги преземе работите во свои раце. Дојде до Соуса, го крена во раце и тргна да го изнесува од теренот. Помина неколку метри, кога повеќе играчи на домаќините реагираа на овој потег на Кварезма и се случи мешаница, а Соуса потоа без никакви проблеми го напушти теренот.
Belenenses-SAD were beating Vitória 1-0 in extra time when Afonso Sousa got “injured.”
This is how Ricardo Quaresma reacted:pic.twitter.com/9IiKpcw73Y
— Zach Lowy (@ZachLowy) February 13, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
