Јувентус и Арсенал би можеле да направат идеална размена за двата клуба. Во Торино би се преселил Александре Лаказет, а на „Емирати“ би пристигнал Даглас Коста. Двајцата фудбалери бараат нова средина, а Андреа Пирло и Микел Артета многу веројатно би се сложиле на ваков развој на настаните.
Арсенал за Александре Лаказет бара 35 милиони евра, за него е заинтересиран Атлетико Мадрид, но засега „топчиите“ се фокусирани на преговорите за продолжување на соработката со капитенот Пјер-Емерик Обамејанг.
Во меѓувреме, Јувентус го именува Андреа Пирло за нов тренер, а тој би сакал да го има Лаказет како ново засилување во тимот за следната сезона.
Сепак, Јувентус не е подготвен да плати отштета, туку сака да се обиде да направи размена. Во Лондон би се преселил бразилскиот интернационалец Даглас Коста, кој изминатата сезона не ги оправда очекувањата во Торино.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
