Челси ќе го промовира Франк Лампард во следните 48 часа тврдат добро информирани британски медиуми. Легендата на лондонски клуб ќе се врати „дома“ во пакет со помошникот Џоди Морис кој и во Дерби му е „човекот број два“.
Добрата работа на Лампард во Дерби, особено со младите фудбалери, двајца од најдобрите се на позајмица токму од Челси, била импресивна за Абрамович и неговите соработници.
Дерби пак се обиде да го задржи нудејќи му договор вреден 10 милиони фунти. Сепак, Лампард му соопштил на сопственикот дека сака да си оди и периодов се преговара околу пакетот за компензација.
Ако дојде во Челси, Лампард ќе има тешка задача со оглед дека клубот има забрана за трансфери во двата претстојни преодни рока, а го загуби и Еден Азар. Олеснување е што клубот има дури 43 играчи испратени на позајмици.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
